Month: November 2016
«Գրքի տոն»
«Գրքի տոնի» առթիվ, մենք դասարանով գնացել էինք դպրոցի գրադարան, որտեղ կազմակերպել էին գրքերի վաճառք: Ես գնեցի Հանս Քրիստիան Անդերսենի հեքիաթների գիրք երկրորդը և նվեր ստացա Խնկո Ապոր «Գայլն ու կատուն» ,Վարդան Այգեկցու «Առյուծը, գայլը և աղվեսը» և «Այրի կինը և նրա որդին» առակների գրքերը: Ես կարդացի իմ նոր գրքերը և ձեզ եմ ուզում ներկայացնել Անդերսնի «Թագավորի նոր հագուստը» հեքիաթը: Այս հեքիաթով Անդերսենը սովորեցնում է մարդկանց, որ առանց վախենալու ասեն ինչ տեսնում են ,թե չէ վատ իրավիճակի մեջ կընկնեն: Բոլորը գովում էին թագավորի հագուստները, բայց տեսնում էին,որ թագավորը մերկ է: Նրանք վախենում էին ասել ճշմարտությունը, որ իրենց հիմար չհամարեին և պաշտոնից չզրկվեին: Բայց մի փոքրիկ երեխա գոռաց, որ թագավորը մերկ է: Բոլորը նրա հետ համաձայնեցին, բացի թագավորից: Երեխան ոչ պաշտոն ուներ, որ կորցներ, ոչ էլ վախենում էր իրեն հիմար անվանեին:
Ձախորդ Փանոսը
Մի անգամ Փանոսը տկլոր արթնանում է անտառի խորքում: Սկսվում է հորդառատ անձրև և որպեսզի չմրսի, Փանոսն ինքն իր համար խոտից հագուստ է կարում և հագնում: Մի օր էլ Փանոսը որոշում է մշտապես ապրել անտառում: Դու մի ասի, այդ անտառում մի գեղեցկուհի է ապրելիս լինում: Փանոսը հանդիպում է գեղեցկուհուն և սիրահարվում նրան, աղջիկը նույնպես սիրահարվում Փանոսին : Շուտով նրանք ամուսնանում են և ապրում անտառում` ուրախ և եջանիկ, իսկ Փանոսի կինը մնում է Փանոսին սպասելով:
Երկիր, որտեղ ամեն ինչ արգելվում է
Լինում է, չի լինում մի երկիր է լինում: Մի օր այդ երկրի թագավորը հայտարարում է , որ սրանից հետո իրենց երկրում ամեն ինչ արգելվում է: Ոչ մեկին չի կարելի երգել, պարել և նույնիսկ սովորել: Մի անգամ մի փոքրիկ երեխա իր հայրիկի հետ գնում է թագավորի մոտ գանգատի: Գնում են, գնում ու հասնում թագավորի պալատ: Ներս են մտնում և թագավորին ասում.
-Թագավոր ապրած կենա, խնդրում ենք լսեք մեզ: Մենք ուզում ենք, որ դուք փոխեք կանոները: Ասում են, ասում են , այնքան են ասում, որ թագավորը վեջապես փոխում է կարգն ու կանոները: Բոլորը ուրախանում են ու ապրում են երջանիկ:
Փոքրիկ Իշխանը
Մենք դասարանով գնացել էինք Ստանիսլավսկու անվան ռուսական թատրոն` դիտելու Անտուան դը Սենտ Էքզյուպերիի «Փոքրիկ իշխանը» ներկայացումը: Ինձ շատ դուր եկավ այն պահը, երբ իշախանիկի ծաղիկը ծաղկեց:Դերասանները շատ լավ էին խաղում, կարծես ամեն ինչ իրական լիներ: Ինձ թվում էր, որ ես մտել եմ այդ աշխարհները և Փոքրիկ իշխանի հետ ճամփորդում եմ աշխարհից աշխարհ : Ես առաջարկում եմ բոլորին կարդալ ստեղծագործությունը կամ գնալ դիտելու Փոքրիկ իշխանի ներկայացումը: